Usa ka babaye ang naproblema pag-ayo sa iyang hinigugma nga lalaki kay dili kini buot nga makita ang iyang paa mao nga sa sul-ubong bisti. Gani dunay higayon nga siya pasakitan og sulti o dili ba kaha dapatan kay lagi dili buot nga ang kagustohan niini supakon niya. Mao nga nahimong daw sama sa budbod ang iyang pamati kay pinutos man siya sa hilabihan. Nangayo siya kanako og tambag mao nga sa way lipudlipod ako siyang giingnan nga mas maayo pang mo move-on ug dili na lang tas-on ang maong relasyon kun wala ang pagtahud ingon man ang pagpangga. Ang ritwal sa pagpangga maoy makahatag og kadasig sa matag usa aron magpadayon sa bisan unsang nasugdan. Iya akong gipangutana kun nganong mas sayon lang kuno sa mga lalaki ang pagbinuang sa mga babaye. Apan bugtong pahiyom ra ang akong nahatag dungan ang pag-ingon kun nganong daghang mga babaye ang hustler. Hinuon dili man ko interesado niana kay alang kanako ang gugma dili pagbati kondili hunahuna ug bunga sa kaangayan. Kun buot kang mabuhi sa tarong nga kinabuhi ihatag ang gugma kanila nga nagkinahanglan niini. Dili ni makapagamay nimo kondili nakapahimo nimong usa ka mito diha sa kalibutang puno sa kagahob sa kawalay kapaingnan. Dili maayong magbuot mao nganong but-an ka man?