Kini ang mahinungdanong panghunahuna ug sentimento nga huptan sa matag usa nato. Mao nga sa nagkadaiyang seedlings ako nihangyo sa Munisipyo sa Sogod aron itanom sa bakanteng luna sa taas sa kumbento sa Mohon. Ug sa akong pagtanum niini nahinumdom ako nga moduaw ako pagbalik kang Nang Fatima Modequillo.
Suod siyang higala sa akong mama mao nga giduaw ko siya. May gihambin siyang balatian sa colon.
Apan sa akong pag-adto wala na siya. Patay na si Nang Fatima. Apan nagpabiling buhi sa akong panumdoman ang iyang kanunay nga pasalamat sa matag higayon nga duawon ko siya. Ug ang iyang maayong sanglitanan padayon nakong handumon ug sa mga pag-ampo siya iapil.
Ang iyang maayong gawi maoy binhi nga iyang gitanom alang sa iyang umaabot nga kamatayon. Kini pud unta ang atong himoon.