Kaayohan kun kimpitan ang dalunggan (1)

Matud sa usa sa bantog nga reflexologist, si Helen Chin Lui, nga ang atong dalunggan nagbaton og kompleto’ng mga badlis – mapa  sa mga tandogonon nga koneksyons (accupoints) sa tanang bahin sa atong organ (reflex map). Nga kini puno sa  mga ‘nerve endings’, ug ‘multiple connectors’ o linya sa kuryente nga nakakabit sa tibuok lawas, aron pagpabilin sa suplay sa enerhiya.

Niya pa, usa ni ka talagsaon nga sistema sa lawas, aron kita kanunay makabaton og maayong kondisyon. Nga kon dunay panaghuot o trapik sa isig ka tumoy o eskina, mabara ang sirkulasyon sa dugo ug hangin, makamugna kini’g kaluya o panakit. Niini ang dalunggan, diin anaa nahimutang ang mga organ connectors, nga tandogon o hapyoron lang aron mopahapsay sa isyu sa panglawas.

Ang dalunggan, adunay unom ka dapit o ‘ear spot’, nga may kalimbigitan sa nagkalainlaing mga ‘organs’. Dinhi alibyohon ang problema , pinaagi sa pagkimpit niini sa hinayhay, ang partikular nga dapit sa dalunggan. Aron pagtultol asa ni dapita sa dalunggan, ania atong idetalye paghulagway.

Tan-awa ang gawas nga bahin sa imong dalunggan (ear lobe), kalkuloha kini pagbahin  sa unom ka puntos (points) gikan sa ibabaw nga kurbada isip # 1, dayon moirog sa ubos #2, #3, #4, #5 ug #6 sa ariyosanan nga kinaubsang dapit sa dalunggan. Unya sundan ang mga mosunod nga kahulugan niini;

* Upper part of the curve # 1 – kining dapita nakakonek o nakadugtong sa  atong abaga ug sa likod, nga ang pagkimpit o pagpisil niining dapita sud sa pipila ka minutos kada adlaw, kamenusan nga hupayon ang mga panakit o tensyon sa kaugatan nga nakahasol pag-ayo sa atong kalihokan.

Pamatia lang nga basta kining dapita maoy tultolon sa pagtandog kon magsakit.