Unsaon pag-transfer sa title sa kabilin nga yuta

Dear Atty. Divine:

Ang among mama namatay last year ug duna kini gibilin nga property nga house and lot. Tulo mi ka managsuon ug ang usa atua na magpuyo sa America og matud niya dili na daw siya interesado nga mokuha sa iyang share sa house and lot. Gusto namong i-transfer sa  pangan  namong duha ka magsuon ang title sa maong property. Unsay angay namo nga buhaton? Kinahanglan pa ba namong papirmahon ang among igsuon sa America sa among himoon nga dokumento? Daghang salamat. — Loida

* * *

Dear Loida:

Aron inyong ma-transfer sa inyong pangan ang title sa property nga gibilin sa inyong inahan, kinahanglan nga mo-execute mong tulo ka magsuon og Extrajudicial Partition with Waiver of Rights sa share sa igsuon ninyo sa America. Kamong tulo ang dapat mopirma sa dokumento apil na ang imong igsuon sa US aron dili na siya maka-claim later on nga wa siya apila sa pagbinahinay.

Inyong panotaryohan ang maong dokumento sa dili pa kini ninyo i-submit sa BIR alang sa pagbayad og Estate Tax ug sa Donors Tax sa portion nga gi-waive sa inyong igsuon. Kinahanglan nga mangayo mo sa BIR sa list of requirements alang sa pagpa-compute og Estate Tax aron dili mo malangay sa pag-process niini. Kon ma-release na sa BIR ang Certificate Authorizing Registration or CAR then that’s the time nga inyo nang ibalhin sa inyong pangan ang title sa property. Thanks and  God bless. — Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.