Gustong ibaligya sa asawa ang house and lot

Dear Atty. Divine,

Ang akong higala mitanyag kanako sa pagpalit sa iyang house and lot. Minyo ni siya ug ang iyang bana, usa ka OFW.

Ang titulo sa property nakapangalan nilang duha sa iyang bana.

Matud niya nga misugot na kuno ang iyang bana nga ibaligya ang maong property.

Ang akong pangutana kon legal ba ang pagbaligya niini bisan kon dili makapirma sa Deed of Absolute Sale ang iyang bana? Daghang salamat.- Mercy

* * *

Dear Mercy,

Kon plano nimong paliton ang iyang house and lot, kinahanglan gyud nga mopirma og apil sa Deed of Absolute Sale ang iyang bana, or kon wa siya diri sa Pilipinas kinahanglan nga mo-execute siya og Special Power of Attorney in favor sa iyang asawa nga maoy mopirma sa Deed of Absolute Sale sa ilang property ug iyang panotaryuhan sa Philippine embassy diin siya nagtrabaho.

Kinahanglan gyud nga dunay SPA gikan sa iyang bana aron mahimong valid ang pagbaligya considering nga conjugal property kini ug dili mahimo nga ang usa ra kanila ang mobaligya or else mahimong questionable ang imong pagpalit sa maong property.Thanks and God bless.- Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug ang tubagon ang inyong pangutana pinaagi sa akong column matag Miyerkules, Sabado ug Domingo.