Dear Atty. Divine,
Ang akong pag-umangkon gikasal last month. Ang iyang bana usa ka langyaw og tungod kay limited ang pagbisita sa Pilipinas sa iyang bana, nagdali-dali sila sa pagpangandam sa ilang kasal.
Nakakuha sila og marriage license, but dunay ubang requirements nga wa na nila na-comply, lakip na ang pag-attend og seminar ug uban pa, tungod sa kaapiki na sa oras.
Gumikan kay na-schedule na ang tanan, gihatagan na lang sila og marriage license tungod sa tabang usab sa wedding planner nga dunay contact.
Ang akong pangutana kon dili ba makaapekto sa validity sa marriage sa akong pag-umangkon kon dunay irregularidad ang pag-issue sa ilang marriage license? Daghang salamat. — Dina
* * *
Dear Dina:
Ang marriage license, usa sa labing importante nga gikinahanglan alang sa pagminyo, busa kon ang magtiayon magpakasal nga wa’y marriage license, hayan maapektohan gyud ang validity sa ilang kaminyuon.
Apan sa kaso sa imong pag-umangkon, nakakuha sila og marriage license apan na-short cut lang kini og wa ma-comply ang ubang requirements.
Apan base sa atong balaod ang irregularity sa pagkuha sa marriage license dili makaapekto sa validity sa kaminyoon. Busa dili kini mahimong kabasehan sa pagpa-annul sa kaminyuon kay nagpabiling valid ang marriage bisan pa sa depekto sa marriage license. Thanks and God bless. —Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.