Dear Atty. Divine,
Ang akong eldest son, natawo samtang dili pa mi kasal sa akong asawa, so ang birth certificate sa akong anak illegitimate siya, apan naggamit siya sa akong apelyido kay ako man siyang gi-acknowledge.
But after two years gikan sa pagkatawo sa akong eldest son, nagpakasal mi sa akong asawa hinungdan nga ang mga manghod sa akong anak legitimate na.
Ako unta ipausab ang birth certificate sa akong anak kay kasal na man mi sa iyang inahan.
Pwede ba mausab ang iyang status from illegitimate to legitimate? Asa namo ipausab? Daghang salamat. - Lando
* * *
Dear Lando:
Yes, mahimo nimo nga ipausab ang status sa imong anak gikan sa illegitimate ngadto na sa legitimated, kay ang imong pagpakasal sa inahan sa bata maoy nakausab sa iyang status ngadto sa pagka legitimated.
Adto kini nimo ipausab sa Local Civil Registrar diin siya narehistro.
Ang Civil Registrar adunay list of requirements alang sa paghimong legitimated sa bata.
Busa mas maayo nga mangayo ka nila sa list of requirements ug mao kini ang imong i-comply aron masugdan na ang proseso sa paghimong legitimated sa imong anak. Thanks and God bless. - Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pjnaagi sa akong column matag Miyerkules, Sabado ug Domingo.