Kini ang gipanghatag kanako sa West Gorordo Hotel ug salamat kang Edna Lee nga nihatag niini. Gikan sa financing hangtud na sa psychology topics mao nga bulawanon kaayo ang maong mga gipanghatag nga hinagiban sa pagkat-on og bag-ong mga kinaadman. Ang kinabuhi sama sa libro. Dunay mga higayon nga imo kining paklion aron imong tun-an ug suhiron. Magsugod gyud unta kini sa imong kaugalingong pag-ila kun si kinsa ka. Magsugod gyud unta kini sa imong pagpanaw sa dalan nga angay nimo. Hinumdomi may kuyog ka man sa panaw apan mag-inusara kang mamatay ug manubag sa matag lihok ug desisyon nga imong pagahimoon. Sa kinabuhi ning kalibutan paningkamot sa pagkat-on sa kaalam nga bugtong panahon lamang ang makatug-an.