Duna pa’y dagha’ng pang-alibyo sa sakit sa panit nga bun-i o ‘ringworm’, nga mora la’g labhag (rashes) gipaluta nga gilibutan og pula’ng badlis. Sa sinugdanan ingon sa dekorasyon lang kini, apan kun moandar ang kakatol, di ta kapugong masamad gyud sa sige’g pangawot hangtud kini maimpeksyon.
Ang naglabi’ng hinungdan ini, mao ang kahuyang sa imyun ug kakulang sa nutrisyon sa panit, maingon man ang mga kagaw nga nanisok sa panit, nga wala kaayo naatiman sa paglimpyo. Simple ra ni sakita, apan kun magkagrabe, mahimo sad kini’ng mosangpot sa kanser sa panit (skin cancer).
Busa ayaw paabota nga dili ta makat-on sa dinalia’ng mga pang-alibyo nga sagad naa ra’s restante o sa tugkaran nato, sama sa mga mosunod;
* Apple cider vinegar – paghumod og gapas nga direkta pahiran ang bun-i. Buhata ni 3-5 ka beses/adlaw sud sa 3 ka adlaw masinati na ang pag-ayo.
* Coco oil (lana sa lubi) – maayo ni sa bun-i sa bagulbagol, pabuntagan kini. Sa paghimo ini, mangawagtang ang kabili’ng nakapaimpeksyon.
* Turmeric (dulaw) – duna ni natural nga ‘antibiotic’ isip ‘holy powder’, kay wagtangon ini ang bakterya ug ang ‘fungal infections’. Maayo’ng gamiton ang lab-as nga duga sa dulaw (turmeric). Pagbasa og gapas ini’ng direkta nga ipahid, nga buhaton kini maka 3 ka beses kada adlaw hangtud nga kini mamaayo.
* Vinegar & Salt (suka’g asin) – pastaha ni dayon ibutang direkta sa bun-i, sud sa 7 ka adlaw, moalibyo na.
* Aloe Vera –maayo ni sa ‘skin infections’, kuhaa ang laput (gel) nga direkta ibutang sa bun-i pabuntagan. Unya limpyohi pag-ayo inigkaligo.
* Ang dahon sa bayabas ug sa tabako – Asa man ini, pabukala’g 15 mins, ang 10 ka dahon, salaon nga pun-a’g tubig ma-3 ka gal nga init-init pa ikaligo.