Dili lang tungod kay walay maayong kinatulgan ang makahurot sa atong enerhiya o kusog sa lawas. Ang ginagmay nga pagkuri-kuri ug bisan pa'g way gibuhat makapaugtas gihapon nga ma-stress ang utok ug pisikal mao nga ang pamati nato sa lawas kanunay gikapoy sa tibuok adlaw. Ang mga eksperto niini nagtug-an sa dili maayong kinaiya o simpleng makadaut nga lifestyle, sama sa mga mosunod nga atong tukion.
* Niundang pag-ehersisyo — Sa pagtuon sa University of Georgia matud pa kapoy pa ang pamation sa unang higayon nga mag-ehersisyo sud sa 20mins-maka-3ka beses sa semana. Apan human sa ika-6 nga semana mawala nang kakapoy kay mobaskog na ang panglawas mo. Ang regular nga ehersisyo mopalig-on sa kaunoran ug kaugatan makatabang nga molahutay ang kusog kay permi kondisyon ang suplay sa oxygen ngadto sa kasingkasing nga inabagan sab sa normal nga sirkulasyon sa dugo. Busa permi mag-ehersisyo ka-3-5 ka beses sa semana bisa'g maglakawlakaw lang sa palibot pwede na.
* Kulang sa pag-inom og tubig — Ang uban mas daghan pa'g nainom sa ilimnong alkoholik nga tuhopon sab niini tubig sa lawas. Mosamot maluya ang lawas gumikan kay menus ra o kulang sa ilimnon nga puro ug lunsay nga tubig. Bisa'g 2% ubos ang normal lebel sa tubig sa lawas kapoy na ang pamation mo. Matud ni Amy Goodson RD dietician for Texas Health mo-espeso ang dugo ug kulangon sa dugo tungod kay kulang sa tubig. Mangaluya sab ang mga maayo nga selyula, mangapasmo sa kainit sa lawas nga nakulangan sa tubig. Mas molahutay pang mabuhing sakto sa tubig ikompara sa kulang og pagkaon.