"Wala man gyuy nahimo ang among mga opisyal sa barangay bahin sa problema namo sa tubig nga hinay kaayo ang agas, mas kusog pa man ang ihi sa bata.
Brgy Pulpogan, Consolacion, Cebu
"Nagpundok na gyud tawon ang mga basura nga wala kuhaa duol sa kinder school. Delikado kaayo sa panglawas sa katawhan tungod sa kabaho sa basura.
Brgy Lunas, Asturias, Cebu
"Tabangi intawon mi’g follow-up sa taga DOH-7 bahin aning daghan kaayong mga langaw nga nakahasol namo matag adlaw. Naa gani kami sa hospital karon kay ang akong anak sige’g suka.
Brgy Poblacion, Barili, Cebu
"Panawagan sa among mga opisyal sa barangay ug lungsod nga dalion ang pag-ayo sa gubaon namo nga karsada dapit sa may Shamrock kay kuyaw na kaayo sa disgrasya.
Brgy Canjulao, Lapu-Lapu City
"Amo lang hangyo sa mga opisyal diri sa among barangay, labi na sa kapitan, nga ilang i-monitor ang mga tanod kay dili man gyud na sila mag-roving matag gabii, makit-an ra namo na sila nga pirmeng matulog sa barangay hall.
Brgy Dakit, Bogo City
"Ang among multicab sa barangay gipahimuslan ra man sa personal nga gamit, ilabi na sa negosyo sa apo sa usa namo ka opisyal, sama sa pag-deliver og krudo.
Brgy Minolos, Barili, Cebu
"Naunsa na man ning mga opisyal namo sa barangay nga wala man sila magpakabana sa problema sa tubig diri sa Sitio Cantataging kay dugay na man kaayong walay agas. Dugay nang naguba ang makina sa water pump pero wala may aksyon nga gihimo ang among kapitan."
Brgy Poblacion, Lapu-Lapu City
"Daghan na kaayong mga dispatcher sa PUJ diri sa crossing Casia ug hawod kaayo. Ang taga CTMS nga nadestino diri wala man sab kabadlong nga mura’g kunsabo man kay paghatagan man sab ni siya."
Brgy Poblacion, Carcar City
"Ipaabot namo ang among problema kabahin niining karsada diri sa may Sol Carmen kay puwerte nang lisora sa agianan, halos dili gani makaagi ang mga trisikad."
Brgy Cabatuan, Danao, Bohol
"Akong ireklamo diri sa among lugar mao ang dalan nga grabe na kalisod agian sa motor, samot na kun mag-uwan. Maproblema sab tawon ang mga estudyante pag-agi panahon sa ting-uwan kay naay sapa kilid sa karsada."
Brgy Pusok, Lapu-Lapu City
"Nakabantay ko nga dunay mga estudyante sa elementary school nga molabang man gihapon sa karsada bisag naay skywalk. Atbang ra man unta ni sa barangay hall pero wala man sab sila kabadlong sa mga bata aron unta malikay sa disgrasya."
Alang sa mga reklamo text lang sa 09062973166