Usahay nahimo kitang mag-apas lamang sa resulta ug dili sa Resulta aron makab-ot nato ang atong mga damgo. Apil na niini ang gitawag natong mga plano o programa. Si Papa Francisco sa dihang didto pa siya sa Buenos Aires ang makitang mosakay og mga yanong sakyanang pampubliko aron mas makasabot siya ug makaila sa tinud-anay nga nahitabo sa mga tawo o panon nga gisangon niya. Mao tingali ni ang hinungdan kun nganong si Papa Francisco ang hugtanong mibadlong sa mga AIRPORT BISHOPS. Ang mga AIRPORT BISHOPS mao kadtong mga Obispo nga nagpunay lang og LAAG ug di gani halos makita sa Diyosesis diin sila gidestino. Butang nga makapahimo sa mga programa ug mga plano nga halayo sa tinud-anay nga panginahanglan. Kini tungod kay nihimo sila pinasikad sa teoriya lamang ug dili sugo sa praktikalidad. Tinuod anaa ang kabubut-on sa Dios diha sa pagdawat ug pagbuhat ning mga butanga, apan ang pangutana mao: "Nahimo bang nasinati sa mga tawo ang panginahanglan o imong gihimo ang maong panginahanglan aron sa ingon mamahimo kang relevant sa katilingban tungod kay ang kadaghanan ang niisip kanimo Passe na lamang tungod sa imong haguka ug way tumong nga mga baruganan. Basin sama ka sa tawo nga igo lang moduslit apan dili makasugakod paghatag sa init aron mamahimong gamhanan ang usa ka agipo?