Ang linugdang sa kape

Kadaghanan, mahilig kaayo kita sa kape, sa uban mora lang ni'g ihinubig. Ilabina naa na'y dagha'ng baligya nga kutawon lang sa tubig init kana'ng mga -'instant coffee', nga dili na salaon kay matunaw man dayon nga wa'y linugdang.

Sa pagkakaron, daghan na sab ang mga malls o coffee shops nga nagserbi og 'espresso' o mga 'brewed coffee', kana'ng kape nga 'granulated' o ' coffee grounds. Unya nauso na sab kini sa mga panimalay, kay naa'y daghan na'ng baligya nga lutoanan sa café (coffeemaker) ug mga 'coffee grounds'.

Hasol ni kapeha kay pabukalan pa man. Ang nakabentaha lang ini kay maseguro mo'ng 100% puro nga kapeé, nga malanghap mo ang tinuod nga kahumot sa kape. Di sama sa mga 'aromatic', 'fortified' o 'blended' nga 'instant coffee', nga makaduda ta'ng di ni 'pure' o kaha mga sentitik nga klase sa kape.

Susama kini kaniadto sa atong mga apohan, magsangag una og bugas mais dayon pabukalan unya salaon dayon imnon, mao sad ang 'grounds o granulated'. Aduna kini 'caffeine' nga makapaabtik sa lawas ug makaalerto sa utok, ang 1-2ka tasa kada adlaw igo na, ayaw palabii kay makadaut sad ni sa kasingkasing.

Kadtong linugdang sa nagamit na'ng 'grounds o granulated' kape, ayaw ilabay kay may lain na'ng kapuslanan, sama sa (1) Pagpahumot sa ref/freezer- butangi ang panaksan og linugdang sa kape, pabuntagi pwede butanga'g (vanilla scent') pahumot. (2) Makapabuhi sa wati - nga himoo'g paon o pasol sa pangisda. Ilahugay sa sudlanan ang linugda'ng (grounds) kape ug yuta dayon ibutang ang wati, nga tibuok adlaw ni mabuhi.(3) Abuno sa tanom o mesitas- dagha'g 'nitrogen' ang linugdang sa kape nga maka-'alkaline' sa yuta. (4) Di na mangihi sa  tanom- ang mga iring, kun baliburan ang palibot sa punoan og mga nagamit na'ng 'grounds coffee nga may sagol sa panit sa prutas nga orange.