Wa gyud masayop ang atong gobiyerno nga hugpongon ang mga senyor. Daghan pa sab ang wa kaayo nga hingpit nasayud sa ilang katungod isip usa ka senior. Nga aduna nay daghang insentibo nga gipahinungod kanila. Tingali, ang binulan nga 'cash assistance' lang ang ilang napahimuslan.
Wa tingali sila masayud, ngano ug unsa gyuy mga rason nga naghingusog man ang kagamhanan og mga paagi alang sa kaayohan sa atong mga senyor. Sa siyudad sa Sugbo, gipahimoan gyud og nindot nga plasa ang senyor, aron adunay kasuroyan. Mga lingkoranan nga malantaw ug mabatyagan mo ang preskong hangin sa dagat. Nga lab-ason ang kagahapon sa iyang kabatan-on.
Lahi nas kaniadto ang mga senyor karon, bisan sa kapit-os sa kahimtang, malaumon gihapon. Kay maoy gihimong prayoridad ang pag-atiman sa panglawas. Padayon naninguhang makabaton og kahibalo alang sa kahimsog, iyawat malugwayan ang pagkaedaran nga piskay gihapon sama sa batan-on.
Tingali mao na ni ang mga senaryong makita sa mga opis sa senyor sa matag barangay.
Kay kun mahasuroy mo sa among dapit, diin gaipon lang ang opis sa tanod ug sa senyor, mahimamat mo ang mga senyor nga batan-on pa, nga mapahiyumong maalagaron. Tingali masaypan mong dili pa sila senyor.
Among Pres. Mam Cecilia Olita (72 na), labaw pas batan-on molihok, dili kapoyan sa kadaghang giatiman. Kun maglakaw, igwad kaayo’g sampot mora’g dalaga. Sila si Rudy Mantalaba (70 na), Amy Narvasa (65 na), ug Lourdes Bolocon (63 na), mga PRO nga abtik pa, mora’g mga batan-on nga molabok pa.
Nangutana ko nila ngano ingon sila ana ka-insperado nga senyor? Mao diay kay gihimo nilang tamdanan, ang pagsunod sa lindog nato sa Banatnews.