Temang nalambigit: Mga mitaliwang mahal sa kinabuhi, repressed guilt, memory
Kun buot hunahunaon usa sa mga nahimong biktima sa commercialization mao ang kalag ug mga kalag. Nahimo silang mga kahimanan sa mga horror movies nga gituyo pagbuhat aron mopatok sa takilya. Apan kun atong tan-awon ang kalag kun ugaling kini magpakita ang mangayo og tabang. Gitawag kini og Spritual Cause sa Haunting. Busa matarong nga ang kalag angay lamang nga tahuron ug dili himoong sentro sa pagbugal-bugal. Kun kini ang nigawas nga hulagway ug scenario diha sa imong damgo, usa kini ka akto sa pagpahinumdom kanimo sa imong kagahapon labina sa mga tawo nga nalambigit sa imong kinabuhi. Ang mga unstelled issues sa kagahapon ang padayon nga moabat o mokalag-kalag kanimo. Mao nga mahinungdanon kaayo ang pagdawat ingon man ang pagyaka aron mamahimong himsog ang imong panlantaw sa imong kinabuhi.