Ang sakit sa dayabetes mora la’g natural ang pamation, hangtud mograbe nga kapoy o luya ang lawas nga di na kalihok malipong matumba. Maayo gyud nga regular magpatsek-ap sa doktor. Aron permi nimo ma-monitor nga normal ang ‘blood sugar’ mo. Kun mosaka o moubos di na ni normal, busa ikontrol kini pinaagi sa mga pagkaon. Hinoon, duna nay daghang remedyo ani, sama sa;
* Bunga sa Paleya (Bitter Gourd) – Pagkuha’g 4-5 ka buok bunga nga kuhaan sa liso. Hugasi’g maayo ug hiwahiwaa’g pino. Unya ibutang sa ‘juicer’ aron mogawas ang duga. Imna kini kada buntag nga wala pay sulod ang tiyan. Mahimo sad magpauga ka ini nga pahanginan lang nga dili ibulad sa init. Galingon nga mapino unya isulod sa garapon nga bildo. Magpabukal ka’g tubig, maghuwad ka ini sa 1 ka mug o 2ka tasa. Ilunod ang 1ka kutsarang pinulbos sa pinaugang bunga sa paleya, human sa 3-5mins imna kini sama sa tsa.
* Dahon sa Neem (Margosa) – Buhion ini ang kalidad sa insulin sa lawas nga magamit nga inerhiya. Di lang kay kining dahon sa ‘Neem’, makaayo sa sirkulasyon sa dugo, makapaubos sa ‘blood glucose’, makapamenus usab kini sa pagwagtang o dili na magsalig sa ‘injection’ sa artipisyal nga insulin. Pagkuha’g 8-10 preskong dahon ug usapa’g maayo, kada buntag sa wapay sulod ang tiyan. Mahimo sad ang pulbos sa pinaugang dahon nga di gibulad sa init sa adlaw, 1-2 ka kutsarita ini ibutang sa usa ka tasa o ‘mug’ nga may pinabukal tubig ug human sa 3-5 mins, imna kini sama sa tsa.
* Ug naa pay uban niini sa sunod nato nga isyu.