NASA confirmed there will be six days of darkness! mao kini ang usa sa mga gi-post kaniadto sa Facebook. Nagkadaiya ang reaksiyon sa mga tawo. Ang uban niingon kanako: "Wala na, tapus na gyud ang kalibutan!" Tubag nako: Way problema na total unong man tang tanan! ang kuyaw katapusan sa bulan kay daghan kaayo og bayranan. Ning naghinapos na pud ang laing liturgical calendar sa atong liturgical year nahimong sentro ug tema ang ikaduhang pagbalik sa Ginoo kun parousia. Mao nga ang ubang mga pagbasa naghisgot gyud sa katapusan sa mga adlaw kon end of days. Imbes batonan ang kahadlok atong batonan hinuon kining mosunod:
1. Paglaum nga ang Dios dunay giandam nga mas nindot pa kay sa atong nasinati karon.
2. Pagkaandam matag adlaw.
3. Paghimo sa matag higayon nga mabungahon diha sa paghatag sa atong best dili tungod lang sa langit kondili tinukmod sa atong dakong gugma sa Dios.
Kun si Domingo Savio gipangutana ni San Juan Bosco: "Mag-unsa man ka kun ugaling nasayud ka na nga karong adlawa ikaw mamatay na? "Ang iyang tubag: "Padayon gihapon ko sa akong pagdula!" Kita pud unta mohimo sa matag adlaw ingon nga kasarangang kahigayonan sa pag-andam sa atong katapusan. Mao nga kun atong ilangkob ang Ebanghelyo karong Domingoha kini nagdapit kanato sa tulo ka mahinungdanong termino.
STEWARDSHIP, ACCOUNTABILITY, PRODUCTIVITY. Stewardship kun diha sa atong pagkapiniyalan ang Dios nihatag kanato sanglit siya misalig man. Accountability tungod kay ang matag hinatag adunay tugbang husay.
Productivity tungod kay hagit nato nga atong himoon ang kinabuhi nga mabungahon aron inig abot sa katapusan dili kita bation og kahadlok sa Diosnong pag-usisa: "Nag-unsa ka man sa imong kinabuhi?