Kun uma ang imong nakita nga talan-awon diha sa imong damgo, posible nga kini pahinumdom kanimo ning mosunod:
1. Buot nimong mohimo og usa ka pagsibog kun retreat gikan sa naandan nimong mga buhat aron imong makita ang imong kaugalingon.
2. Dakong panginahanglan nga palipangon ang usa ka caring attitude dili lang sa pisikal nga palibot kondili lakip na sab sa kalibutan sa pakigrelasyon.
Tabunok sa kahulogan ang uma. Ang mga tawo nga buot mamahimong nurturing ang dunay dakong tinguha nga motunob sa yuta sa malambigitong pagkinabuhi.
Agriculture priority
sa ubang nasud
Ni Leo Antoy
Kini tungod kay kun aduna may mga dautang hitabo sa ilang nasud, at least, dili sila magutman. Maunsa man nga krisis ug mga katalagman ang mohugpa sa ilang nasud, dili magkutoy ang ilang tiyan.
Dinhi sa Pilipinas, politika ang nag-una sa atong mga priorities. Bahala na’g magutman ang katawhan, total, pirme man sila’ng busog didto sa mga naghupot sa gamhanan’g katungdanan sa gobiyerno, lakip na sa mga higante’ng negosyante sa private sector.
Magkapuliki dayon ta’g palit og bugas gikan sa ubang kanasuran sa higayon nga magnihit ang atong pagkaon dinhi. Ironic kaayo tungod kay gihatagan man unta kita sa Ginoo sa matambok ug tabunok nga kayutaan ug kadagatan. Unya, ang atong climate pabor kaayo sa pagpananom.
Hinuon, murag gihatagan sa number one priority sa 2015 national budget ang education.
Maayo na lang, apan, mora ma’g wa na kaayo’y hinungdan ang atong educational system karon kay ila man nga gi-ban ang mga religious instructions ug ang good manners and right conduct sa ilang curriculum.
Mura man og mas importante alang kanila ang RH law ug ang gipugos nganhi kanato nga K to 12 nga matang sa educational instructions.
Well, ila sad ni. Sila ang magbuot kay sila ra ang nasayod. Igo lang ta nga motuman sa ilang kagustohan.
* * *
Ang Quezon City mi-adopt sa mga bag-o ug epektibo’ng paagi pagsanta sa pangurakot ug red tape kon kuskos balungos sa mga transactions sa ilang dakbayan. Una, duna sila’y bag-ong kahimanan pagsuta kun ang resibo dili ba fake. Unya, ilang gi-adopt ang gitawag nga Regulatory Simplification Project [RSP] diin ang publiko mo-transact og business uban sa duha lang ka opisina gikan sa 28 ka buhatan sa unang panahon.
Ilang gimugna ang usa ka business center – one-stop shop, diin maka-transact og business na ang publiko sulod ning maong usa lang ka opisina, ug ilang gikunhoran pag-ayo ang gidaghanon sa mga requirements ug sa mga mopirma. Akong nahinumdoman nga usa nako ka suod nga exporter, mi-apply og business permit sa America. Usa ra ka adlaw ang iyang pag-transact sa business. Sa ato pa, ang mga taxpayers, nga maoy nagbuhi sa gobiyerno, ilang gihatagan sa una’ng pagtagad.
Sa giingon pa, mamamayan muna, bago ang sarili. Dinhi sa ato, sarili muna, at sarili higit sa lahat. Mao nga kun ordinaryo ka lang nga taxpayer, mug-ot mug-otan ka lang sa mga clerk sa gobiyerno.
Dinhi sa ato, komusta man ang imong pakig-transact og business sa Cebu City Hall?