Temang nalambigit: Kadangpan, pribasiya
Mahinungdanon kaayo ang lawak katulganan. Dinhi kita mopahulay ug magpaayo kun ugaling duna kitay balatian. Kun kini mogawas sa imong damgo unsa man ang imong kasinatian? Ang pagdamgo sa ingon nga kahimtang posibleng pahinumdom alang kanimo nga angayan nimong hatagan og igong pagtagad ang imong kaugalingong panglawas. Gikinahanglan nimo ang break gikan sa real life situations nga mga kabalaka ug mga kahingawa. Ang lawak imong space ug dinhi imong mahatagan og igong panahon ang imong kaugalingon. Mao nga alang nako ang labing nindot nga dapit gyud sa usa ka balay mao ang lawak katulganan kay dinhi imong hatagan og igong panahon ang imong kaugalingon nga makabaton og enerhiya gikan sa makutas nga bugno sa kinabuhi ug panginabuhi.