Ang kamote

Kamote. Kaniadto way molingi sa gibaligyang tinuhog nga kamote. Kaniadto mubo ra kaayo ang pagtan-aw sa mga magtutudlo sa kamote. Ang mga bugo nga estudyante ilang insultohon: Pauli sa inyo, pag tanum og kamote.

* * *

Kaniadto ra to. Karon ang kamote mitabang na sa pagpalambo sa ekonomiya sa nasud. Dihay usa ka pabrika og kamote chips nga minilyon ka pesos ang kantidad sa kamote nga gi-export gawas sa nasud.

* * *

Usa ka dropout sa elementarya nga nanguma og kamote didto sa Kalinga, Mountain Province, ug karon gibalitang usa na ka sapian sa maong dapit. Tulo ka ektaryang yuta nga gibilin kaniya sa iyang lolo iyang gidebelop ngadto sa usa ka plantasyon sa kamote.

* * *

Tulo ka kargo trak nga kamote ang iyang i-ship ngadto sa Manila matag buwan. Duna siya’y fried kamote stalls sa tulo ka lugar sa dakbayan sa Baguio.

* * *

Ug dihay balita nga ang Tarlac College of Agriculture, suportado sa Bureau of Agriculture Research, mipahigayon og research diin ang katuyuan mao ang pagdebelop og technology diin himoon og aquaculture feed ang kamote.

* * *

SA LAING BAHIN ... Daghang salamat sa mga news dealer sa ilang nagpadayon nga suporta sa Banat News ug sa mga mantalaang kauban nato ubos sa Philippine STAR Media Group sama sa The Freeman, Phil Star, PM (Pang Masa) ug Pilipino Star Ngayon, ang nag-unang tagalog tabloid sa nasud.