Paglangoy

Pagpamalandong alang sa malangkubong kaayohan

Temang nalambigit: Tubig

Kun diha sa imong damgo imong nakita nga ikaw naglangoy o dili ba kaha anaa sa tubig kini adunay dakong kalambigitan sa tubig mismo. Atong hisayran nga ang tubig, dako kaayo og kalambigitan sa kinabuhi. Kun diha sa imong damgo imong nasinati ang tumang kalipay ingon man daw sa nakapahuway ka, kini nagpasabot nga nahimong panginahanglan nimo diha sa waking world ang relaxation. Ang pagtampisaw sa tubig nakahatag kanato og kalipay ingon man katagbaw. Diha sa pagtugkad sa halawom nga bahin sa kadagatan, mahimong sabton nato kini ingon nga pagpatidlum o pagpamalandong sa mga panghitabo sa imong kinabuhi. Ug kun diha sa imong damgo, ikaw nanlimbasog sa kusog nga sulog, mahimong kini ang atong sabton ingon nga usa ka pahinumdom sa bisan unsang kawsa o panginahanglan nga imong gipakigbisogan.