Sa iyang column, atong amigo, si Orlando Carvajal nagkanayon: “Serial killers are on the loose in our streets. They kill thousands in the country’s roads on a daily basis. Yet nothing is really being done by anybody to stop these two-headed monsters’ reign of terror.â€
Tinuod. Apan kinsa man ni silang mga monster sa kadalanan? Kinsa man ni nga mga halimaw, nga wala may nahimo ang gobiyerno pagpitol kanila?
Nakatag-an ka. Kining mga motorcycle-riding daredevils. Mga showoffs, tigpasikat at our expense. What is worse is that, kun madisgrasya, makabangga, kitang nabanggaan mao kanunay ang sad-an, labi na’g taxi ang kontra.
Sila ang hari sa kadalanan. Paturagas og padagan… lusot dinhi, lusot didto. Ug exempted kini sila sa overspeeding, busa bisa’g unsa sila ka kusog, dili kini sila dakpon. Pakapinan pa gyud kasaba sa ilang mga tambutso. Makabungol. Apan, waa sad tay mahimo ini, it seems exempted usab kini sila sa anti-noise ordinance, hinungdan nga dili usab sila dakpon. Ang taga-CITOM igo lang manampong sa ilang mga dunggan iniglabay sa saba kaayo nga motorsiklo.
Kahinumdom ko, sa Cagayan de Oro, gidakop mi, gimultahan, gumikan kuno sa kasaba sa among motorsiklo. Ikomparar sa kasaba sa atong mga motor dinhi, waa ra sa kumingking ang kasaba sa among motorsiklo. 50cc ra man gani to. Yet, nakabayad mi, on the spot, with official receipt. That was in 1965.
Mitapos si Lando: “Only God knows (dangop na lang tas Ginoo ini) when authorities will own up to their responsibility of keeping our streets safe from these serial killers.†CITOM?
* * *
Police visibility. Sa among panahon, sa ato pa, years and years back, magpatrolya man ang mga police. Unya, mo-good morning … mo-good evening og makasugat og sibilyan. Mo-smile pa. Alang namo, secured kami. Way angay kabalak-an ug kahadlokan kay naay police nagbantay namo.
Karon? Of course, pila ra may population sa among panahon? Unya, mora’g kaila nato ang tanang tawo. Apan, ang kadaghan sa mga tawo, dili unta maoy mahimong hinungdan ngano nga modaghan usab ang kriminalidad.
Alang nako, something went wrong sa atong pangutok. It seems nga mi-triumph kanunay ang forces sa evil kay sa pagka-maayo sa tawo. Ngano man ni?
Sa una gud, akong tan-aw, mora’g mas duol ang tawo sa among panahon, kay sa mga tawo karon. Adis-adis; panglugos; patay dinhi, patay didto, panulis dinhi, panulis didto, etc., etc. Tungod ba ni sa overpopulation o tungod sa pagka-yawan-on ug pagka-materialistic … subra na nga pagkahakog sa tawo?
Apan, mahimong kaminosan ang criminality. Police visibility. Ang laraw sa PNP pag-hire og mga sibilyan, aron maoy ipuli sa mga administrative works sa kapolisan nga idistino sa kadalanan, is a step in the right direction.