EDITORYAL - Sen. Revilla misumbalik-dasdas sa pasangil

Hingpit  nga  gipanghimakak  ni Sen. Bong Revilla  ang  pasangil  nga  gibulsa  niya  ang P200 milyones kapin nga  Priority Development Assistance Fund (PDAF) sa iyang privilege speech  sa  senado.

Sa sinako  nga  mga  dokumento  nga nahipos  sa NBI  nga nagpamatuod  nga  si Revilla  mibulsa  sa  iyang  PDAF,  ang  tanan  wa  angkona  sa senador.

Iyang  gisumbalik  ang  pasangil  ngadto  sa whistleblower  nga  mao  kuno’y   namirma  sa  mga  papeles sa iyang  ngalan  sa  giingong  tinumo-tumo  nga proyekto.

Apan  ang nakapait  kay  si PNoy  maoy  nahan-ukan  sa  mga  maot  nga  pasangil  aron  mabali  ang  isyu.

Sama  kang  Sen. Jinggoy  Estrada, nahimong  baraha  nila  ang  pagka-konbikto  ni  CJ Corona  kay  giagni  kuno  sila  ni  PNoy  nga  pabotohon   pabor  sa pagkatangtang  ni  Corona  sa katungdanan.

Mao  kini  ang  giingong  labing  lig-on  nga  depensa  sa  duha  ka  senador nga  si Estrada  ug  Revilla, apan  wa  sila   kapamatuod giunsa  nila  paggamit  ang ilang PDAF.

Si Enrile  wa  mobungat  sa  mga  pangatarungan  nga  gihimo  ni  Estrada  ug  Revilla, apan didto  siya  mosentro  sa iyang  pagpanghimakak  sa giingong  kalambigitan  niya sa illegal  logging  ug  uban  pang  krimin  nga  gihan-ok kaniya ni Senador Miriam  Santiago.

Nganong   nalambigit    man  ang   paagi  sa  pagka-konbikto  ni  Corona  nga  layo  ra man    sa isyu  ug  sa pasangil  nga  gipamulsa  nila  ang  ilang  PDAF?