Gisaulog nato karon dinhi sa Dakbayan sa Sugbo ang atong tinuig nga pagpasidungog sa Senyor Santo Niño. Enero 17 kadto sa dihang nisimba ako alang sa Misa sa Traslacion ako nahatagan og kahigayonan nga makagunit sa imahen sa Balaang Bata ug gipasayaw pa gyud sa Tradisyonal nga Sinulog didto sa Pilgrim Center. Kalipay ko gayud! Simple nga kalipay nga dulot sa bukog ang implikasyon niini. Ang Piyesta Senyor ang sa kanunay magpahinumdom kanato sa dakong bili sa pagpaubos ug pagpuyo sa kinabuhi nga yano ug kontento. Ang bagang duot sa katawhan uban ang hinugpong nga pagwara-wara sa mga kamot uban ang pag-awit sa Gozos ang magdapit kanako ingon man kaninyo sa pagduol sa Dios uban ang pagtuo sa usa ka bata.
Bisan pa man sa pagpunay og ulan kini wala makapugong kanato diha sa atong pag-ampo nga unta: KALOY-AN KITA NIYA NGA KANIYA NANGILABA.