Way parehang mayor
Nakadungog na kamo og usa ka mayor sa dakong siyudad nga dili pasuweldo ug siya pay mogamit sa iyang personal nga kuwarta sa mga galastuhan sa siyudad?
* * *
Bag-o pa kong nakabasa sa istorya ni Michael Bloomberg, ang mayor sa New Work City. Si Bloomberg dili magdawatan sa iyang suweldo ug uban pang benepisyo nga mototal og $2.7 milyones. Ang iyang sweldo nga dawaton $1 lang matag tuig.
* * *
Gawas nga dili siya magdawatan og suweldo si Mayor Bloomberg maoy mogasto gamit ang iyang personal nga kuwarta sa tanan galastuhan sa New York hall. Di pa lang dugay migasto siya og $5 milyones alang sa renovation sa mayor’s residence nga wa sad niya puy-i.
* * *
Kun mobiyahe gawas sa America, siya mogasto sa iyang travel expenses bisan pa kun kini official trip. Siya sad moabaga sa mga gasto sa iyang staff ug uban pang kuyog sa iyang grupo.
* * *
Matud pa sa New York Times daghan kaayong improvements nga gihimo si Bloomberg sa city government diin ang siyudad wala mogasto bisan gamay.
* * *
Dili kahibudngan kining mayora kay ang net worth niini $31 billion. Ikapito siya nga labing datu sa America.
* * *
SA LAING BAHIN ... Pit Senyor sa atong mga magbabasa diha sa Consolacion ug mga kasikbit nga dapit. Salamat sa inyong suporta sa Banat News hinaut nga magpadayon ang atong panag-partners sa tibuok 2014.
- Latest
