Mokabat sa P130 bilyones ang katibuk-ang kantidad sa kadaot sa mga kabtangan sa kagamhanan, sa mga lugar nga gilampurnas sa bagyong Yolanda ang gastoanan sa kagamhanan karon.
Hinuon daghan man og kuwarta ang nasud ug kadtong mga opisyal nga kiriwan, angay unang maghinuktok una sila mosuway og hilabot sa kuwarta sa kagamhanan.
Kini tungod sa mga panghitabo nga di masayran nga nagkinahanglan gayud og kuwarta.
Kun way makuot gikan sa panudlanan ang kagamhanan, modangop kini sa pangutang.
Angay timan-an sa tanan nga mokapin na usab sa usa ka trilyon ka pesos ang utang sa nasud didto sa gawas.
Kining utanga nagsukad pa sa panahon ni anhing Presidente Marcos kinsa namatay nga nagtangag ang nasud og utang nga mga P60 bilyones.
Mipuli si anhing Presidente Cory Aquino, kanhi Presidente Ramos, kanhi Presidente Estrada, ug kanhi Presidente Arroyo.
Mipilo-pilo ang maong utang nga tubo ray gibayran busa karon mikabat na sa usa ka trilyon kapin ka pesos.
Apan sa kadako sa maong utang, ang mga kiriwan padayon nga wa maghunahuna nga gawas niini dagko kaayo ang gastoanan sa goberno sa mga proyekto niini.
Ang Yolanda dako kaayo og kadaot nga gidulot sa nasud nga labing nakapaping-it sa kagamhanan bahin sa mga gastoonon niini.