Mga istilo sa oral seks

Kaniadto segun sa mga eksperto, ang oral seks dili makadaut sa mga hingtungdan nga mahiligon aning klaseha sa seks. Apan sa karon, kuyaw na kun dili kita magmatngon sa posisyon o mga istilo ini. Nga gumikan sa paturagas nga pagseks, maalaut ta nga mataptan sa sakit nga kanser, nga mikatap na karon sa atong panahon. Kun wala pa untay lain gawas sa masturbation o binugtong paghilawas, ok na unta ni apan may mga istilong kuyaw himuong ampay o bisyo.

Unsa ba gayud kining oral seks? Usa kini ka paagi pagpabatyag sa kalalim sa uwag o biga, nga wa na kinahanglana nga tagbawon pa sa pakigseks nga itisok o sipungon ang binhi sa kahigal. Daghan na ang nagpraktis ani,  sa mga batan-on, ilabi na kadtong wa ma edukar sa himsog nga pakigseks. Misamot pa gyud, nga duna nay mag-oral seks nga managsama’g seks sama sa mahuyang o tomboy. Unya oral seks ra man ni—unsang hitaboa nga mataptan man og sakit sa kanser?

Aw simple ra kaayo, nga bisa’g unsang butanga basta kun maabusohan o maghinubra na makadaut gyud. Wa may kaso kun ikaw lang mismo magsolo nga mag-oral seks kay ikaw ra may magduwa sa kinatawo mo. Apan kun may lain na mohimo nga mag-oral seks mo, may posibilidad nga inanay di ka kahibawo nasudlan ka na’g HPV o human papilom virus nga makakanser, bisan pag magparis lalake ug babaye o managsama’g seks, nga nag-oral seks aksyon lang.

May duha ka klase kining oral seks aksyon:

(1)Cunnilingus– grabe kahinam o kalalim ang batyagon sa babaye samtang giduwaan ang iyang kinatawo sa iyang paris.

(2) Fellatio – Mao sab ang batyagon sa lalake ang kalalim sa sensasyon sa seks samtang gi-ugay o giugom ang iyaha. Kun maayo momaneho, matagbaw gyud magawsan sa kahigal sama sa tinuod nagseksanay. Mao nga ang mga third seks, kontento na kaayo niining istiloha sa pagseks.

Daghan na rong nadiskubrehan nga may mga kanser sa baba o sa cervix, gumikan aning oral seks. Daghang giganahan niini apan lagi kuyaw na ni nga himuon mong bisyo.

Hinuon kun disiplinado ka lang di ka man masakit basta magbinugtong lang. Kun minyo ka, ay nagsige’g  pangita’g lain nga bisag kinsa na lay matilawan, kay lisod kaayo. Makita ang sintomas kun may sakit sa HPV, nga nakapatakud nimo ug maamong o matakdan pa ang orihinal mong paris.