Dili ikalimod nga diha sa atong panaw adunay mga higayon nga kita nahimong nahilansang lamang sa atong mga kakulangan ug mga kalapasan. Alang nato, lisud kaayo ang pag-ampo. Alang nato, lisud kaayo ang paghatag sa kinatibuk-an sa atong kaugalingon. Ning paagiha, kita nakaamgo nga daghan diay kaayo ang mga babag ug daw halayo alang kanato ang Ginoo. Ning maong kapasikaran atong himuon kining mosunod:
1. Isulat diha sa papel ang imong mga kalisdanan diha sa pag-ampo.
2. Atubangan sa nagsigang kandila ug hunahuna nga si Jesus padayon nga nahigugma kanimo taliwala sa imong mga problema. Nga nahigugma siya nimo taliwala sa imong mga kahuyangan. Nga nahigugma siya kanimo bisan pa man sa mga higayon nga malisud alang kanimo ang paghatag sa kinatibuk-an sa imong kaugalingon diha sa pag-ampo.
3. Human sa pipila ka gutlo, isulat sa papel ang mga mensahe sa Dios alang kanimo. Mga mensahe nga bunga sa imong pamalandong ug pag-ampo.