Ang sakit nga matagamtam sa tawo maoy mahimong sukdanan sa iyang pagtoo ngadto sa Ginoo kay ang tawo nga anaa sa balatian sa kanunay magsangpit na man kaniya pinaagi sa pag-ampo alang sa kaayohan.
Ang balatian maoy makapamata sa tawo ug makapamalandong kung giunsa niya pagkinabuhi ug unsa ang iyang paingnan sa umaabot.
Daghan ang naayo tungod sa ilang mga pag-ampo nga inubanan sa hugot nga pagtuo sa Diyos. Ang uban nga naayo gidawat ang tahas nga gisanong kanila sa Ginoo.
Ang uban nasubo kay wala man gayud nila naangkon ang kaayohan apan sa kadugayan nakasabot ra sila ug nagmalipayon nga nidawat sa kabubut-on sa Ginoo kay ang labing importante nga bahin sa tawo mao may naayo -- ang kalag.
Kitang tanan mobalik man gayud sa atong magbubuhat mosugot ta’g sa dili angay lang nga andam kita sa kanunay.