Nahibaw ba mo nga ang kusog negosyo atol sa kalag-kalag dili lang ang kandila ug buwak kundili mga maskarang ungo-ungo sab?
Naay pipila ka mga tindahan nga pulos ra mga butang alang sa kalagkalag ang gipamaligya atol sa kalag-kalag kon halloween.
* * *
Gibaligya sa maong mga tindahan props ug costumes alang sa halloween party sama sa mga ungo-ungo nga maskara diin ang dagway giapilan nilang Drakula, Frankenstein, Satanas, ug uban pang mga karakter sa komiks.
Naa say mga props kon kahimanan nga gamiton sa halloween party sama sa silhig, kapa sa yawa, martilyo, sanggot, wasay, sibat, ug uban pa. Kini tanan pulos rubberized ug luwas nga gamiton para panglingaw-lingaw.
* * *
Apan kining mga butanga gisaway sa usa ka obispo Katoliko tungod kay kuno maka-attract og yawan-on nga mga panghitabo.
Kana kunong maskara diin adunay punyal nga nagtaop sa liog sa tawo o bata nga migamit atol sa halloween party makadani (attract) og diablo.
* * *
Apan matud pa sa mga namaligya niining mga butanga “pang-halloween ra man ni.†Sa ato pa para lingaw-lingaw ra panahon sa undas (tinagalog sa kalag-kalag).
* * *
SA LAING BAHIN ... Dunay usa ka lungsod sa Metro Manila diin gidili ang paggamit niining mga halloween costumes atol sa kalag-kalag. Mimando ang local officials niini gumikan sa nahitabong pagluba patay sa usa ka nagsul-ob og costume sa yawa adtong miaging tuig ... Daghang salamat sa atong mga suking magbabasa og Banat News diha sa San Fernando.