Kining mga balay-patigayon nga dili mohatag og resibo ngadto sa ilang mga customer nakalapas sila sa lagda nga gilatid sa National Internal Revenue Code (NIRC).
Usa ka gasoline station diha sa Barangay Guadalupe gireklamo nga wala mohatag og resibo sa usa ka customer. Ambot og ingon ba usab ang gihimo ngadto sa uban. Hala, ireklamo sa BIR.
Ang akong napalitan nga mga gas stations mohatag man g’yud kay gitigum man nako ang akong mga resibo kay gigamit man nako pag-monitor sa akong konsumo nga gasolina.
* * *
Dunay naghimo’g piggery diha sa Tuyan, Naga nga nakahatag og sakripisyo sa mga silingan tungod sa grabe kabaho. Awhagon nako ang higala ko nga si Gary Cabotaje ang PIO sa Naga nga aksyoni ra ni bai Gar.
Usa ka Heide kuno ang tag-iya niining mao nga piggery. Kamong mga opisyal sa Naga ug ang mga opisyal mismo sa barangay, aksyoni ninyo pagdali kining reklamo.
Unya mga sakop sa CITOM anti-trisikad unit, dunay reklamo batok sa mga trisikad nga mogawas sa highway diha sa Mambaling nga mosugat pa sa mga sakyanan.
Kining mga sakop sa maong unit susama ra usab tingali kini sa anti-dispatching team nga wala makasumpo sa pagdagsang sa mga dispatchers.
Palihug sir Joy Tumulak, paaksyoni kini sa imong mga sakop ang reklamo. Ipaapil kining mga motorsiklo nga anha ipangparada sa daplin sa karsada nianang mga baligyaanan og tinuwa diha sa Katipunan, Labangon.
Laing reklamo, dunay nagpadayon nga pagpamaligya og shabu diha sa sitio Cumpang, Tayud, Liloan ug usa ka Alicia ang giingong pusher. Wala kuno tagda kini sa mga polis kay nalooy kay “pamugas†ang maong pagpamaligya’g shabu. Ha? Pamugas?
* * *
Duna sa’y mireport kanako bahin sa mga kulurum nga van for hire nga gipadagan ug anha magparkingan sa CitiLink Terminal diha sa Natalio Bacalso Avenue.
Alang sa informer, huwat-huwat lang bai, kay imbistigahon nako ni pag-ayo, aron masayran kun ngano nga wala kini masumpo ang maong binuang. Nagtoo man ko nga dunay “nagdupa†niining maong mga tawo nga nagpadagan og kulurum.
Apil nga gipasagdan kining “Kambal†nga mga sakyanan nga bisan og nasayran na sa mga tinugyanan apan gilingiw-lingiwan lang.
* * *
Gawas sa mga kulurum nga bus ug vans, daghan ‘sab diay nga kulurum nga tricycle nga nagbiyahean sa Basak-Lapulapu. Mga opisyal sa Lapulapu, mga polis diha, atimana kuno ninyo kining mao nga report.
* * *
Dili maato ang tanang reklamo. Ipadala lang sa 0933-570-0853, kun kinahanglang tubagon, mo-text back ra ko ninyo.