Dagmalan

Makatarunganon ba ang pagdagmal sa usa ka bana sa iyang asawa?

Matud pa sa usa ka balita: “More Filipino women justify wife beating.”

Daghan kunong mga asawa mi-justify kun miila nga makatarunganon ang pagdagmal sa bana ngadto sa iyang asawa.

* * *

Kini sumala sa usa ka survey nga gihimo sa UP Population Institute didto sa upat sa napu ka probinsiya nga giilang maoy labing pobre nga lalawigan sa nasud.

Kining upat mao ang Maguindanao, Lanao del Sur, Ifugao ug Eastern Samar.

* **

Suma pa sa mga asawa nga mipabor sa gitawag nga “wife beating” kon pagdapat sa bana sa ilang asawa, kini makiangayon ubos unom ka situwasyon sama sa:

* Kun ang asawa maoy mouna’g dapat sa iyang bana.

* Kun ang asawa “nagger” kon tabian.

* Kun ang asawa dili makaatiman og husto sa mga anak.

* Kun ang asawa mobalibad sa bana nga gustong makighilawas kaniya.

* Kun ang asawa magtubag-tubag sa pangasaba sa bana.

* Kun mapaig ang linuto, labi na ang linung-ag.

* * *

Matud ni Josefina Natividad, director sa UP Population Institute, sa usa ka interview nga gihimo ngadto sa mga minyo nga babaye kini nasayran nga kadaghanan kanila nagtuo nga ang “wife beating” justified kon makatarunganon.

* * *

Sa laing bahin...dihay balita nga usa ka bana nga midagmal sa iyang asawa didto sa Pasay City, giluba patay sa maong asawa.

* * *

TRIVIA. Mangumosta kita sa atong mga suking magbabasa diha duol sa kanhi jai-alai ug sa atong mga higalang naninda’g pagkaon sa maong dapit. Salamat sa nagpadayon ninyong suporta sa Banat News.