Libuan na ka mga seedlings ang gipananum sa mga nagkadaiyang pundok sa atong komunidad nga dunay kahingawa sa nagkaupaw na natong kabukiran.
Libuan ka mga concerned citizens -- mga estudyante, mga empleyado sa pribadong establisamento, mga kawani sa gobyerno ug uban pa -- ang migahin sa ilang panahon aron sa pagpahigayon og tree planting.
* * *
Naay mga nangutana kun duna bay gihimong imbentaryo sa mga nangabuhi nga seedlings nga gipananum pipila na ka tuig nga minglabay?
Kun ang tree planting gihimo nga lima na ka tuig sukad, “by this time the seedlings have fully grown into beautiful trees,†suma pa ni Dr. Herani Tacandong, kinsa mihingan sa iyang kaugaligon nga usa ka “consumate ug passionate tree lover.â€
* * *
Apan matud pa ni Dr. Tacandong duna siya’y impormasyon gikan sa iyang katuohan nga tinubdan diin daghang, o kadaghanan, sa mga seedlings nga gipananum nga lima na katuig ang minglabay nangamatay ra tungod sa kakuwang nga pag-atiman.
Ang banabana sa usa ka “competent informant’ ni Dr. Tacandong wala pay 1 percent (uno porsiyento) sa libuan ka mga seedlings nga gipananum sa bukirang kayutaan sa maong impormante ang nahimo nang full-grown trees.
* * *
Misugyot si Dr. Tacandong nga “maayo tingali†imbentaryohon ang mga “full-grown trees’ na karon nga hinaguan sa pagpananum isip seedlings sa atong mga estudyante ug mga kawani pipila na ka tuig nga minglabay.
* * *
TRIVIA. Komusta diha sa atong mga higala nga mga drayber sa motorsiklo de pasaheroan ug sa mga tindera ug tindero diha sa Mandaue public market. Salamat sa inyong suporta sa Banat News.