Adunay umaabot nga laing santo kinsa mahimo tang tawgon nga may pagka Pilipinhon kay bisan langyaw ang mga ginikanan anhi dinhi sa Pilipinas natawo ug nag-eskuyla sa bata pa kini.
Siya mao si Beato Jose Maria de Manila kinsa gikatakda nang kanonisahon sa dili madugay. Mokuyog na unya siya nilang San Lorenzo Ruiz ug San Pedro Calungsod, mga lumad nga Pilipinhong santo.
* * *
Sumala sa balita, si Beato Jose Maria de Manila natawo sa Manila nga si Eugenio Saz-Orozco diin pulos Katsila ang mga ginikanan. Sa bata pa siya didto siya nagtungha sa Ateneo de Manila, San Juan de Letran, ug UST.
Iyang giadoptar ang ngalan nga Jose Manuel de Manila dihang nisud siya sa religious order nga Padres Capuchin. Sa iyang pagka pari na, nasaypan si Jose Maria de Manila nga usa ka Pilipinhon dili lang tungod sa iyang kinaiya nga susama sa Pinoy. Larino usab siya mosulti og Tinagalog.
* * *
Wala pa hibaw-i kun kanus-a ang kanonisayon ni Beato Jose Maria de Manila apan suma pa sa balita hayan dili na madugay ang atong pagpaabot.
* * *
Gikalipay sa mga Katolikong Pilipinhon kining balita kabahin sa gikatakdang kanonisasyon sa lain pang Pinoy-related Spanish Capuchin priest. Bisan tuod nga dili diay Pilipino apan sa Pilipinas natawo ug na-edukar sa batan-on pa siya.
* * *
TRIVIA. Greetings ug maayong adlaw sa atong mga readers diha sa mga barangay Duljo ug Fatima ug sa ato sang mga higala diha sa Brgy. Day-as. Daghang salamat sa inyong nagpadayong suporta sa Banat News.