Mieskidyul og miting si Mayor Mike Rama tali ni Governor-elect Junjun Davide ug Vice Governor-elect Agnes Magpale unya human nila asumir sa ilang mga katungdanan diin sila nangapili adtong miaging piniliay.
Maayo kaayo kining nahunahunaan ni Mayor Rama nga panagtagbo niya ug ubang opisyal sa dakbayan tali ni bag-ong Gobernador Davide ug iya usab nga kaubanang opisyales sa Kapitolyo.
* * *
Ang maong miting kon panagtagbo hayan moabli sa ganghaan padung sa mas mauswagon pa gayud nga Sugbo.
Sa dugay’ng panahon wala magkasinabut ang mga lider sa dakbayan ug mga lider usab sa lalawigan mao nga naka-apektar kini sa tulin unta nga paglambo sa Sugbo.
* * *
Karon hayan matuman na ang mga dagkong proyekto nga buot untang ipahigayon sa lalawigan apan gibabagan sa dakbayan.
Karon duna gyu’y meeting of the minds kon panagtagbo sa mga hunahuna tali sa mga kadagkuan sa City Hall ug Capitol.
Manghinaut kita nga kining maayong relasyon sa siyudad ug lalawigan karon mobunga og daghang kaayuhan alang sa mga Sugbuanon.
* * *
TRIVIA. Daghang salamat sa atong mga suking magbabasa sa Banat News sa wa’y pagkutat ninyong suporta. God bless.