Failure ang PCOS?

Failure sad ang eleksyon?

Sige sila’g insister nga tikas kono ang PCOS. Buot nilang ipasabot nga ang mga giproklamar sa Comelec, dii tinuod maoy nakadaug – ug lagmit ang nangapilde maoy tinuod nga nakadaug.

Gani, misugyot sila nga dili na gamiton ang mga PCOS machines sa 2016 nga eleksyon – balik ta sa mano-mano machines. Balik ta sa dagdag-bawas, sa ballot box switching, sa hello Garci, sa mga kontra sinyas inigbotar, ug ubang kahiwian sa eleksyon.

Yes, baby, kun failure ang PCOS, failure usab ang eleksyon. Unsa man, mag-eleksyon tag usab, dungan sa barangay election? Mao ni ang ilang gusto?

Diin man dapit na-fail ang PCOS? Maka-usab ba kini sa resulta sa eleksyon, kun korekan ang maong failure?

* * *

Kun ako pay datu kaayo ron, paliton nako ang tanang libro ni Dan Brown nga misulod sa atong nasud … unya, akong sunogon. Ikakiha ba kog arson?

Pagkahilabtanon sad ning Brown uy! Samtang dili kita moingon nga ang Manila gates of heaven, di sad ni gates of hell uy, sumaa sa gipasiatab ni Brown sa iyang libro “Inferno.”

Kahinumdom ta nga sa tuyo pagdaot sa Catholic Church, ang Simbahan nga gitukod  ni Cristo, iyang gidaot pag-ayo si Cristo mismo.

Gibutangbutangan og daghan kaayong mga kasal-anan, gipasipad-an ug gipanghimaraut.

Apan, wala kadto makatay-ug sa Pagtoo sa tiunay nga mga  Katoliko. Dihay morag followup niyang libro, nakalimot na ko sa title, nagdaot gihapon sa Catholic Faith. Waa gihapon makapahugno sa mga Katoliko.

Karon,  being a Catholic Country, iyang gidaot ang Manila, sa bag-o niyang libro. Buot niyang ipatuo nga ang capital sa Catholic country, ang Manila, ganghaan sa impiyerno. Bida sad ka Brown uy! Pasagad man lang ka.

Lagmit, gumikan sa pagka-controversial sa iyang gipanulti bahin sa Manila, ma-curious ang mga Pinoy, mobasa sa libro ug modaghan ang halin. Waa ko kabasa sa libro. Ug alang nako, di ko kinahanglan mobasa. Ignore it, aron di mogara si Brown.

Ato kining kutloon ang gisuwat ni Dette Pascual sa Inquirer: “Every picture tells at least two stories. Like the one showing two prisoners looking from behind the bars of their prison window. One was looking down, cursing the mud. The other was looking up awed by the stars.

Brown chose to look down, to disdain the mud in the city, ignoring the beauty of its skies at sunset across the horizon from Roxas Boulevard. And the ready smiles of the ordinary Pinoys on the streets, on their work, everywhere. The city’s happier faces.”

Ngano gud tawong na-gates of hell man ang Manila? Waa ra ba ni siya makaanhi sa atong nasud. Si Brown usa ka fiction writer. Sa ato pa, ang iyang mga sinuwat, bunga lang sa iyang imagination. Mao ni ang nahitabo sa The Da Vinci Code, ug karon sa iyang Inferno.

Di ba kaha ni siya maoy ganghaan sa impiyerno?