Ang tulo ka mga lignin

Gihimo nako ang gamay nga modifications sa design sa akong kuwarto, library didto sa amo sa Catmon. Kuyog niini ang desinyo sa birha diin anaa ang tulo ka mga nanagtapot nga mga lingin. Nisimbolo ang tulo ka mga nanagtapot nga lingin sa Santisima Trinidad ang  gisaulog nato nga solemnidad karong Domingoha.

Plano unta nako celtic symbol of the Trinity apan sugo sa praktikalidad ug sa kahagip-ot sa budget mao nga ang tulo na lang ka mga lingin ang akong gihimo.

Apan kun atong paladman ang lingin simbolo usab sa integrasyon ug katibuok. Ang tulo ka mga persona sa Santisima Trinidad matawag natong mga integrated persons in their oneness as God. Bisan unsa ug kinsa nga anaa sa Dios, ang nagapanaw padulong sa pagkatibuok. Kini ang kahulogan sa kahingpitan, ang pagkatibuok bisan sa mga higayon nga masinati ang pagkabuak-buak.

Sa laing bahin, ang Santisima Trinidad usa ka katilingban sa managlahing personahe nga gihiusa sa gugma ug panagdait.

Ang Santisima Trinidad nipahinumdom kanato nga dili imposible ang mamahimong usa ka katilingban sa panaghiusa taliwala sa atong panaglahi. Sugod mismo sa tagsa-tagsa nato ka mga kaugalingon.

Balik sa mga lingin sa akong kuwarto. Sa akong pagsud-ong kanila samtang akong gihanip ang akong mga libro ingon man ang pagsud-ong sa krusipiho ug sa mga imahen nila ni Mama Maria, San Juan Vianey ug San Jose sa kapilya duol sa akong kuwarto akong nahinumdoman nga ang kahingpitan usa ka panaw ug pagpili maingon nga ang pagpuyo sama sa mga hiyas sa Santisima Trinidad usa usab ka pagpili.