3. Mga Sakramental
a. AGUA BENDITA. Kinahanglang ang maong tubig sa dili pa pagabendisyonan ang i-exorcised una sa pari aron mamahimong epektibong hinagiban sa pagpugong sa dautang espritu sa panahon nga kini mopakita og dayag nga kapintas panahon sa ritwal o sesyon.
b.LANA SANTA.(Exorcised Oil) Kinahanglang ang maong lana sa dili pa pagabendisyonan ang i-exorcised una sa pari aron mamahimong epektibong hinagiban sa pagsakit sa dautang espiritu nga morumbo ug mosakit sa mga nagkadaiyang bahin sa lawas sa biktima.
c. ASIN (Exorcised Salt) Gamiton kini aron pagsilyo sa maong dapit diin gihimo ang eksorsismo o pagpalingkawas. Mahimong ipalamoy ang pudyot niini ngadto sa biktima kun ugaling giatake siya diha sa iyang tiyan.
d. CROSS OF SAINT BENEDICT. Mahimong pagunitan o ipaduol sa biktima aron iyang pagatutokan panahon sa proseso. Mahimo pud kining itapion sa iyang ulo aron mas mahinay ang dautang espiritu.
e. RELIKYA SA SANTOS. Bukog o bahin sa lawas sa usa ka Santos. Isulod kini sa reliquary ug itungtong o itapion sa ulo sa biktima. Usa kini ka ritwal sa pagpakita nga anaa ang pisikal usab nga presensiya sa mga santos nga sama kanato ang nakigbatok usab sa gahom sa dautan.
f. PINALANGINANG MGA KANDILA. Dagkotan kini agi’g pagbalaan sa maong dapit diin gihimo ang maong ritwal.
g. INSENSO. Gamiton kini aron paghingilin sa mga dautang espiritu sa maong dapit.
4.DIHA SA PAGPANGUTANA
a. Diha sa pagpangutana bugtong ang Authorized Exorcist lamang ang makahimo sa ingon. Diha sa iyang mga pangutana iyang himoon nga sukaranan kining mosunod:
1. Ngalan sa Demonyo
2. Paagi sa iyang Pagsulod
3. Ang motibo kun katuyoan sa pagsulod
4. Kanus-a sila mosulod ug kanus-a sila mopahawa
Kinahanglang maantigong mosala ang pundok sa maong mga tubag sanglit ang yawa segun sa atong nasayran mao man ang prinsipe sa tanang mga bakak ug paglingla.
b.Kun ang yawa nagdumili sa pagtingog, ang eksorsista sa dili pa mohimo sa paghingilin ang magpatabang sa mga kaubanan sa grupo nga dunay gasa sa panabut (discernment) ug human na kini matino himoon dayon ang paghingilin ginamit ang mga pag-ampo nga anaa sa Rituale Romanum.
c. Human mailhi ang espiritu nga nisulod mas epektibo usab nga ang biktima pagadasigon nga mohimo ning mosunod: Renounce, Bind, Cast Away, sa maong espiritu o mga espiritu ginamit ang ngalan ni Jesus.
d. Kun ang yawa nahimong mapintason sa pulong uban ang paghudlat, mas maayo nga siya pahilumon sa ngalan ni Jesus. Aron mas seguro ang tanan, mahinungdanon kaayo nga gapuson ang biktima. --Sumpayan pa