Sibo sa Teksto: Jn. 13;1-9
Pasiuna sa tagsulat: Kining maong pamalandong akong gihalad ingon nga punto sa pamalandong alang niadtong nisulod sa bugnong lugaynon ug kanatong tanan gyud mismo.
1. Dili lalim ang gibuhat ni Jesus ngadto sa iyang mga tinun-an. Salikwaot gyud unta sa usa ka magtutudlo nga mohugas sa hugaw nga tiil sa iyang tinun-an. Kaniadto ulipon lang gyud ang mohimo niini.
2. Si Jesu-Kristo diha sa iyang pagkahari ang mihimo ning mapaubsanong buhat agi’g pagpakita og sanglitanan sa iyang mga tinun-an nga unta buhaton nila ang iyang gibuhat. Nga unta hisabtan nila ang tinud-anay nga diwa sa pagkagamhanan. Ang pagkagamhanan nagasukad sa mapaubsanong pagpangalagad. Ang pagkagamhanan nagasukad diha sa paghunahuna sa panginahanglan sa uban ug dili sa kaugalingong panginahanglan lamang.
3. Hinumdoman nato ang salidang: “Spiderman†nga nagtudlo kanato ning kamatuoran: “Great power comes great responsibility.â€
4. Lisud ang mangalagad sa tinuoray gayud apan dili pud halayo nga mahimo nato ang nahimo ni Jesus kun magmanggihatagon lamang kita sa atong panahon, talento ug katigayonan. (Time, talent, treasure).
Hinumdomi igsuon nga ang secure nga leader service oriented samtang ang insecure nga leader position oriented lamang. Sa dili ka pa molansar unsay imong bitbiton nga assets kun ikaw mapili? Kun ikaw mapili unsa man kaha ang posibli mong liabilities? Hinuklogi kini ug pamalandongi.