MARSO 24, 2012: Domingo sa Pasyon
Mga Pagbasa: Is.50:4-7/Sal.22/Fil.2:6-11/Lk.23:1-9
Sugdan nato karong semanaha ang maampoong pagpamalandong sa Kasakit, ug Kamatayon, ug Pagkabanhaw ni Jesu-kristo atong Ginoo. Ang uban mohimo gyud og usa ka pagsakripisyong pisikal.
Hinuon, matag adlaw sa tuig kahigayonan man gyud sa PAGSAKRIPISYO. Ang ubang sakripisyo pinugos kay walay kapaingnan samtang ang uban naghimo alang sa mas hataas nga espirituhanong katuyoan. Lisud ang sakripisyo apan sa laing bahin tambal kini sa atong kadautan, sa atong garbosong kinabuhi, sa atong sala.