Mr. Barangay

BRGY LAMINTAK NORTE, MEDELLIN, CEBU

“Uso na kaayo ang shabu diri sa among lugar kay ang mamaligyaay dili na mahadlok maro na kaayo kay daling makasibat kun naay raid, mas maayo santaon na kini.”

 

BRGY MACTAN, LAPULAPU CITY

“Sa sitio Kasanta kay ubang mga tawo diri mamuhiay og baboy ang baho mangalisbo intawon diri namong mga silingan, wala gyud maatiman sa mga opisyales.”

 

BRGY HILANTAGAAN, STA FE, CEBU

“Amo lang panawagan sa mga opisyales namo nga tagdon na unta ang dugay na namong problema sa kangitngit sa among lugar kay hangtod karon wala pay poste sa kuryente.”

 

BRGY SAN ISIDRO, SAN FRANCISCO, CEBU

“Amo lang hangyo sa mga opisyales nga atimanon ning problema sa usa namo ka tanod nga sige’g pabuto sa iyang armas, misumbong mi sa mga polis wala may aksyon nga nahimo.”

 

BRGY CANDAGUIT, SIBONGA, CEBU

“Niay basura diri sa sentro nga nanimaho lang kay wala magpakabana ang among mga opisyales aning problemaha maayo lang modawat og honorarium kuyaw kaayo sa dengue.”

 

BRGY LOREGA-SAN MIGUEL, CEBU CITY

“Magpatabang unta mi diri sa Echavez buyon gyud sa primerong poste dinhing dapita wala gyu’y imbornal kun mag-uwan anhi sa among lugar padung ang tubig sa uwan, tabangi mi malooy ka.”

 

BRGY BUSAY, MOALBOAL, CEBU

“Sa sitio Tagaytay wala gyud atimana ang problema sa karsada nga hangtod karon wa pa gyuy kuryente luoy kaayo ang mga estudyante kun moagi panahon sa kagabhion, asa naman ang mga opisyales?”

 

BRGY BABAG, CEBU CITY

“Mohangyo unta mi sa mga opisyales nga sementoon na unta nila’g tiwas ang karsada sa Kambitas kay luoy kaayo ang mga nagpuyo sa maong lugar dugay na nag-antos.”

 

BRGY MANGGA, TUBURAN, CEBU

“Sir Jun magpatabang unta mi nga maabot unta ang linya sa tubig padung sa sitio Langtad sumpay man unta sa poblacion kay ang tubig maoy numero uno namong problema.”

 

BRGY NORTH POBLACION, SAN FERNANDO, CEBU

“Palihog gud mi aning among lugar kay pwerte namang bahoa ning among karsada unya ang tubig nagkatag na kilid sa karsada kay diri ra man gilabay ang mga basura gikan sa lungsod.”

 

BRGY TIPOLO, MANDAUE CITY

“Palihog ra gud mi sir Jun aning among lugar kay lapok kaayo unya apiki kaayo agian sa firetruck lisod kun simbako naay sunog, diri na dapita kilid sa Gals ang karsada.”

 

BRGY LINAO, ORMOC CITY

“Pila na ka mga opisyal sa barangay ang naglingkod diri sa among lugar pero hangtod karon wala pa gyu’y drainage system kun mag-uwan bisag gamay lang magbaha dayon, sige lang silang saad nga way katumanan.”

Alang sa inyong mga reklamo text lang sa 09071678643