Kasingkasing ampingi

Human na man ang Chinese New Year, Valentine’s Day na sad ang gipaabot. Adtong miaging Domingo bahin sa Valentine’s Day ang homily kon wali ni Fr. Jerry Orbos.

* * *

Matud ni Father Jerry, ang kasingkasing (heart) mao gyuy ipatigbabaw sa atong pagsaulog sa Valentine’s Day. Dili lang ang heart kon kasingkasing ang hatagan og importansiya kundili “all matters pertaining to the heart.”

* * *

Kay nganong heart kon kasingkasing man gyud ang hatagan og importansiya? Tungod kay ang Valentine’s Day kabahin man sa gugma ang kasaulogan niini.

* * *

Busa atol sa kasaulogan sa Valentine’s Day ampingi pag-ayo ang imong kasingkasing, matud pa ni Father Jerry. Ug ang kasingkasing sab sa uban. Naa man guy uban nga pataka la’g selebrar sa gitawag nga Adlaw sa Gugma, wa lang hunahunaa ang resulta sa  ilang pagpataka’g gugma-gugma.

* * *

Kun patakaan gud nato ang pag-alima sa gugma kon sa atong kasingkasing, mahitabo unya ang dili ta unta gustong mahitabo. Kay kuyaw baya ang kapintas sa kasingkasing kun kini dili ayohon pagda ug kun kini pasipad-an lang.

* * *

TRIVIA. Happy Valentine’s Day in advance sa atong mga higala diha sa Brgy. Parian lakip na ang dan Espana ug kasikbit niini. Daghang salamat sa inyong suporta sa Banat News.