Himuon karong adlawa ang turnover ceremony sa Bureau of Customs Port of Cebu human si Collector Ronnie Silvestre gimando nga hulipan kang Collector Edward dela Cuesta. Si dela Cuesta gikan sa Clark diin adto usab ibalhin si Silvestre.
Kining maong rigodon sa BOC nahitabo tungod sa gipanghambog ni Customs Commissioner Ruffy Biazon nga “reconfiguration†sa bureau tungod sa dili maayo nga collection performance niini sa tuig 2012.
Apan kuwestiyonable kining maong reshuffling nga gipatuman ni Biazon tungod kay ang mga nag-perform nga mga collector sa customs mao na hinuoy iyang gipanghulipan, samtang kadtong mga pordoy kaayo og koleksiyon, gipabilin.
Silang Port of Manila collector Rogel Gatchalian, Ninoy Aquino International Airport collector Carlos So ug lain pang usa ka kolektor wala maapil sa reshuffling bisan sa pordoy nilang collection performance. Ang Port of Cebu nakakolekta og P8.8 bilyones sa 2012, nga mas taas ikomparar sa 2011 nga P2.7 milyones lamang. Apan si Silvestre naapil sa reshuffling.
Si Collector Ma. Lourdes Mangaoang, ang director sa X-ray Inspection Project, nga maoy nakigbugno sa kasong smuggling batok ni Lee Ping Wee didto sa Zamboanga gimando ni Biazon nga ibalhin sa Cagayan de Oro. Gipaduol hinuon sa pangpang sa kamatayan, bisan nasayod si Biazon nga si Mangaoang adunay hulga sa kinabuhi tungod niining kasoha.
Kun nakahinumdom kamo, ang XIP nga gipanguluhan ni Mangaoang maoy nakasakop niadtong 10 ka container vans nga smuggled sugar gikan sa Thailand. Gani, silang Atty. Mangaoang, Cebu field officer Ronald Dadole, valuation reviewer Raden Pacasum, x-ray inspectors Alfredo Nagac Jr., Laurentino Villamar Jr., SA1s Jaime Cuyno, Rafael Parayno, Ruperto Legarda, administrative officer Libie Cortes ug administrative staff Jenny Flores, gipasidunggan ni Biazon pinaagi sa “certificate commendation†pag-ila nga sila maoy unit sa BOC nga nakadakop sa maong 10 ka container vans nga asukar gikan sa Thailand.
Apan dungan sa paghatag og commendation, gibalhin ni Biazon si Mangaoang sa Cagayan de Oro. Maayo hinuon. Tua ra ba didto nagnegosyo si Tuburan Mayor Aljun Diamante isip non-signing broker didto sa Cagayan de Oro. Maayo unta og nag-uli na sila sa maayong kabubut-on ni Mangaoang.
Dili lang una ko motuo sa giingon nilang “jockeying of positions†sa BOC. Apan tinuod ba kaha kining ilang giingon nga “highest bidder†nga polisiya ni Biazon?