Daghan gyud ang gusto maguwapa. Maoy rason nga nagkadaghan ang mga beauty shops ug kusog halin sa mga beauty products.
* * *
Didto sa Thailand, naay mitumaw nga bag-ong matang sa pagpaguwapa. Ginganlan kini sa mga Sugbuanon nga nanarbaho sa Bangkok nga “sagpasagpa.†Kini tungod kay pinaagi sa sagpa-sagpa ang beauty treatment.
* * *
Sa mga inilang beauty clinics kuno ang mga kliyente sagpa-sagpaon sa beautician. Naay usa ka espesyalista sa breast enhancer kang kansang pamaagi mao ang pagsagpa-sagpa sa dughan sa kustomer.
* * *
Mas mahal kini kay sa pamaagi ni Dr. Vicki Belo. Tag $600 ang matag slapping session nga molungtad og 15 minutos. Ang pagpa-reduce kon pagpanindot sa porma sa lawas mokustar og $1,000 matag session.
* * *
Naa say mga vain nga lalaki magsukian og men’s beauty clinic diin ang pagpadako sa ilang genitals maoy expertise. Sa maong clinic ang mga naninguhang modako ang “ilaha†gamitan og olive oil, beeswax, silicon ug uban pang mga butang nga kuno makapadako sa kinatawo sa tawo.
* * *
Daghan ang nahimong multi-millionaire gumikan sa kaarte sa ubang tawo, babaye ug lalaki. Hehehe.
* * *
TRIVIA. Daghang salamat ngadto ni Mr. and Mrs. Marianito Lopez (nee Renita Sanchez) for reading this column... Thanks also to our readers in Minglanilla.