Inilog ang mga lingin nga prutas inigsud sa Bag-ong Tuig. Alang kuno ni sa maayong suwerte. Si Minda (dili tinuod niyang ngan) misunod niining tradisyona sa daghang katuigang nilabay. “For godo luck man kaha ni, busa atong sundon ang maong tradisyon,” matud ni Minda.
* * *
Apan duha ka tuig nang milabay nga mihunong na og pamalit si Minda og lingin nga mga prutas. “Binuang,” matud ni Minda.
* * *
Niadtong Enero 20, 2012, diha pa gani sa iyang dining table ang mga lingin nga prutas nga iyang napalit diha sa may Ramos fruit stalls dihang niabot kaniya ang opisyal nga balita nga ang mister niyang enhinyero namatay didto sa Medina, Saudi Arabia.
* * *
Ang bana ni Minda namatay atol sa usa ka highway accident diin nibangga ang iyang giluwanan nga Landrover sa laing sakyanan. Tulo ang nangaangol, lakip siya, apan siya, ang bana ni Minda, maoy namatay.
* * *
Duha kapin ka tuig nang milabay kadto. Sukad ato wa na motuo si Minda sa swerteng maangkon sa mga nagtuo sa lingin nga prutas. “Coincidence ra tingali kadto,” matud ni Minda, “apan dili pa mapapas sa akong hunahuna ang nahitabo.” Matud niya wa siya’y tuyo nga i-discourage ang pagpadayon niining maong tradisyon, gani namaligya man siya og mga prutas, lakip na ang mga linginon, sa iang gamay nga tindahan sa usa ka public market sa Negros.
* * *
TRIVIA. Happy, happy New Year sa atong mga magbabasa diha sa Freedom Park. Daghang salamat sa inyong nagpadayong suporta sa Banat News.