Dako kaayo og puntos ang Vatican sa pag-insister niini nga ang Katoliko dakong supak sa pagminyo sa managsama og pagkatawo o ‘the same sex’.
Ang Santo Papa bisan wa mohisgut nga ang pagminyo sa lalaki versus lalaki ug babaye versus babaye dakong supak sa kabubut-on sa Dios nga magbubuhat sa tanang mga butang sa kalibotan, apan puwerting sakara ug hauma sa iyang gipahayag nga ang Katoliko di gyud mosugot sa same sex marriage.
Ang balaod nga nagtugot sa pagminyo sa managsama nga sex, gipatuman sa tulo ka estado sa Amerika.
Ang Spain nag-umol na usab sa maong balaod nga sa di madugay ila na usab nga sagupon, samtang ang France mitataw na nga ang maong balaod ila na usab nga ipatuman sa sunod tuig.
Kay ngano unsa man diay mga relihiyon niining mga tawo o mga estado sa US ug mga nasud nga misagop niining same sex marriage karon?
Sa Biblia gitataw sa Dios nga sa adlaw sa paghukom di maluwas gikan sa silot sa imperno ang mga tawo nga gitawag nga anaa sa third sex’ (bayot ug tomboy), usa ka masakit nga kamatuoran alang sa mga tawo nga motuo sa mga pulong sa Dios nga anaa sa Biblia, apan sa di motuo og Dios bali wa kining maong warning Niya.
Demudo may hukom na nga daan ang Dios sa mga magminyo nga managsama og pagkatawo kay nagpasabot nga bisan uyon pa sa balaod sa Ilang goberno, apan supak sa kabubut-on sa Dios, way gahum ang ilang balaod pagpugong sa gihukom na sa Dios nga silotan sila sa adlaw sa paghukom tungod kay nagpadayon sila sa ilang pagka-mahuyang o kaha sa ilang pagka-tomboy, dinhi atong daygon ang Santo Papa kay sakar kaayo ang Iyang pagsupak sa same sex marriage sa kabubut-on sa Dios , busa may puntos ka Sir.
Apan di lang baya kay ang maong mga matang sa tawo ang silotan, tungod kay gitataw sa Biblia nga kadtong nagpatuman sa balaod bahin sa pagpugong sa pagminyo, maoy pagtuman sa pagtulon-an nga iya sa Yawa.
Ang Yawa maoy unang itambog sa imperno sa adlaw sa paghukom ug ang mituman sa Iyang pagtulon-an, siyempre kauban usab Niya, ug sa maong higayon makaingon ang mga third sex nga ‘igwales ra ta’ Sir.