Hapsay ug hagip-ot nga dalan
Si Tinong mihunong sa pagginhawa og pipila ka minuto ug matud pa sa doktor patay na kini apan sa wala damha nabuhi pagbalik og sa iyang pagmata nangayo dayon kini og tubig ug gani gikutasan pa kini kay matod pa niya gikapoy siya sa iyang pagtadlas sa hagip-ot nga dalan. Adunay hapsay ug maanindot nga dalan apan ang tumoy usa ka dakong bung-aw sa kayo gani mga inagulo ug danguyngoy ang iyang nadungog ug wala siya nipadayon. Nitipas siya og agi sa usa ka dalan nga tunokon ug napun sa sampinit apan sa pag-abot niya sa tumoy daw paraiso ang kaanindot ug may mga awit siyang nadungog ug nadungog niya ang tingog nga balik sa kalibutan kay dili pa nimo panahon.
Ang maong sugilanon daw katuhoan dili apan angay nga hinuktokan kay sa tinood nga kinabuhi mao kini ang duha ka dalan nga atong tadlason ang pagkamatarung ug pagsubay sa daotan diin ang kalautan maoy atong makuha.Gitagaan kita sa Ginoo og kagawasan sa pagpili niini. Anaa ra kanimo kung asa niining duha ang imong pilion.
Ang pagkamatarong mao ang dalan paingon sa kinabuhi, apan ang pagkadaotan dalan paingon sa kamatayon” (Prov. 13:28).