Dear Banat News,
Hello sa tanang readers sa Banat News. Tawga lang ko sa pangalan nga Chris, 27 years old ug nagtrabaho sa usa ka restaurant.
Duna ko’y uyab ron siya si Anne nga tua karon nag-work sa laing country.
Tulo ka tuig na ang among relasyon ug nagkaila mi tungod ra pud sa among common friends.
Dili nindot ang pagsugod sa among relasyon kay nagka-uyab mi samtang naa pa mi tagsa-tagsa ka mga uyab kaniadto.
Laktod nga pagka-istorya among gipang-ilad ang among mga uyab sa una ug nakahukom mi nga amo na lang gyud sila nga buwagan kay pilion namo ni Anne ang among relasyon.
Kahibalo ko nga ngil-ad kaayo ang among gibuhat ambot lang pud uy mas gihunahuna ra gyud namo ni Anne ang among kalipay.
Tinud-anay man gyud ang gugma namo ni Anne sa usa’g-usa ug pareha mi nga nahupas ang among gugma sa nangagi namo nga uyab.
Amo rang gidedma ang mga pagsaway nga among nadawat ug gibarogan gyud namo ni Anne ang among panaghigugmaay.
Dili malikayan sa usa ka relasyon nga maglalis pero amo gyud gipaniguro ni Anne nga dili mi magkabuwag.
Usa sa among lalisan usahay kanang pagka-selosa gamay ni Anne. Kahibalo man gud siya nga naka-uyab ko og bayot kaniadto nga ginganlan og Jess.
Bisan wala nami ni Jess, duna juy mga time nga magkauban mi tungod sa among outing sa barkada.
Kun makahibalo si Anne nga naa si Jess, magsige na og yawyaw sa chat ug pasabton gyud nako siya permi.
Ambot lang pud ni Anne uy nganong malisang man siya ni Jess nga friend na man lang mi.
Mapasalamaton ko kay naabot gyud ang panahona nga nakasabot ra gyud si Anne, ug dili na niya selosan ang akong ex nga gay.
Dili man nako ikaulaw nga naka-uyab ko og gay kaniadto. Formal man sad nga pagka-gay si Jess.
Sa pagka-karon, kontento nako ni Anne, bahala’g LDR ming duha, gipaningkamotan gyud namo nga dili maputol ang komunikasyon namong duha.
Bisan pa man nga bati kaayo ang pagsugod sa among relasyon padayon gihapon namo nga gi-enjoy ang among relasyon. Amo nang gibaon sa limot ang among kaagi sa una.
Nagplano ko nga mo-propose niya og kasal sunod tuig ug panghinaot nako nga mosugot siya. Mo-request lang ko sa lyrics sa Grow Old With You by Adam Sandler.
Hi Chris! Thank you so much sa imong LOVE STORY! Paabuta ugma puhon ang imong request
Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini:
Love Story C/o Banat News