Dear Tita Salie,
Tagoa lang ko sa ngalan nga Jealous, 19 na. I just want to ask ngano’ng naa may tawo nga mausab kun makauyab? I mean, sa una lang dunay time nimo, sa una hatagan ka’g atensiyon, sa una lang ka tagdon. Ngano diay? I have a friend man gud, girl siya nga ingon ana unya karon mura’g ang iyang tanang atensiyon tua na sa iyang uyab, wa na siya’y time nako as her friend. Unya baya kun magkaproblema sila anha na makahuna-huna og text nako. Mura gani’g gi-take for granted na ko. Unsay angay nako’ng buhaton, Tita Salie?
Good day Ms. Jealous,
Palihug pamalandonga kini. Ang bata nagkinahanglan og kaduwa samtang ang batan-on nagkinahangla’g higala. Unsay kalainan sa kadula ug sa higala? Ang kadula igo lang ikauban-uban, pero ang higala maoy usa nga may prinsipyo nga sama sa imoha. Ang kasulatan (Proverbio 17:17) nag-ingon: “Ang tinuod nga higala mahigugma sa tanang panahon. Ug maoy usa ka igsoon nga natawo alang sa panahon sa kasakit.”
Duna’y tulo ka hiyas sa tinuod nga higala. 1) Maayo’g kinaiya ang usa ka higala ug dili mahiligon sa pagdaot sa usa’g-usa. 2) Dalaygon ug prinsipyo. Usa ka higala nga nakakita sa kalainan tali sa maayo ug daotan. 3) Maayo’g impluwensiya-usa ka higala nga dili mamugos sa pagsunod sa ilang kinabuhi. Kini maoy pamalandonga ug susiha diha sa imo’ng higala. -- Tita Salie