Dear Tita Salie,
I’m Sabrina from Ubay, Bohol. Patambag ko nimo bahin sa akong style sa pagpamiste. Kanunay ko kasab-an sa akong mother kay dili kuno maayo tan-awon ang akong pagsige’g sul-ob og mubo nga short pants, kanang gitawag sa uban og “pakigol” aron makita ang kanindot sa porma sa akong paa. Matud sa akong mga friends angayan man kuno ko nga mag-short kay nindot man ‘sab og porma ang akong paa ug puti sab ko. Please advise me unsa’y akong buhaton aron dili masuko si mama.
* * *
Hi Sabrina,
Ang mga ginikanan kanunay gayud nga naglantaw kun unsa’y kaayohan sa ilang mga anak. Ang pagkabaton og usa ka malipayong pamilya anaa ra gayud sa pagsinabtanay. Sa kahimtang sa atong panahon karon nga midagsang na ang tumang kadaotan, imoral, panglugos ug uban pa’ng matang sa kriminalidad, ayaw ibaliwala ang sulti sa imong mother.
Tinuod nga ang pagsige nimo og sul-ob og short nga “pakigol” mao kana’y mag-agni aron mawala ang moralidad ug pulihan kini sa imoral. Sama ra nga imong gihatagan ang yawa og panahon aron ka duolon ug ubos ang panglantaw sa mga tawo nimo. Kana maoy dili nimo gusto, dili ba? Busa, Sabrina, kun imo’ng kab-uton ang kalinaw og kinabuhi, sabta ang imong mother.- Tita Salie